Diario dun mariñeiro que quixo ser mergullador. (Cap. II)

4

Mariñeiro, de auga amargosa.
Terco, mula, nula alegría.
Morría coa sede o terceiro día.

A fachenda do espido
no espírito das mareas.
A terceira vez que se molla este poema .

Quería ser pirata
dos que non quedan no mar;
acabei de palique na barra.

Amarrado a esperanza,
fuxiume a áncora

e xa só podo voar.

5

En tanto o mundo cambia

(quizais tamén as persoas).

Filtro o que poida parecer.

Unha pomba con complexo de aguia.

Fíxose gaivota,

guindándose a loucura.

Mudarei como as anduriñas.

O pasaporte foime negado.

6

Un ás baixo a manga

dun polizón,

un motín do montón.

Contracción dos dedos

con probabilidade

dun medio.

Posme dos nervos.

Medos servos do demo.

Temo vervos na posta de sol.

O alcol dun alcólico

nas mans dun poeta.

Onde quedou a pluma?

A mirada non depende dos lentes,

a percepción desprende interés.

Ó revés estariamos buscando o comezo,

e eu buscaría terra outra vez.